Չգիտեմ, թե ինչքանով եմ ես խիզախ, մթությունից վախենում եմ, թե ոչ, բայց ինձ համար նախատեսված այսօրվա չափաբաժինը փաստորեն չափազանց շատ էր: Նախ դպրոցից տուն վերադառնալիս ճանապարհին մի սև, բայց սպիտակահոգի շուն ինձ և ընկերուհուս մահու չափ վախեցրեց իր հանկարծակի հարձակումով: Հետո պարապմունքի գնալիս շքամուտքի դուռը բաց արեցի, ու մյուս կողմից մեր հարևանը սև զգեստներով վախեցրեց ինձ: Իսկ արդեն տուն վերադառնալիս մի ուրիշ, բարեհոգի “շնիկ” մթության մեջ դուրս պրծավ ավտոտնակների հետևից ու մի լավ “սթափեցրեց” ինձ: Մի խոսքով, հասկացա, որ այսօր չպետք է քիթս տանից դուրս հանեի J
Սրանք իհարկե հանկարծակի իրավիճակներից ծնված վախեր են: Հիմնականում վախի պատճառը անհայտությունն է: Դա հրաբուխի պես վարակիչ է և ամեն անգամ եզակի թիվը դարձնում է հոգնակի: Բայց առհասարակ յուրաքանչյուրս էլ ունենք մեր վախի սեփական զգացողությունը: Նորություն չեմ ասի, բայց այնուամենայնիվ նշեմ, որ վախերը լինում են տարբեր` նյութերի, իրերի, երևույթների, մարդկանց և այլնի նկատմամբ:
Հիշում եմ, երբ փոքր էի… չէ, ինչու “երբ փոքր էի”? , անգամ հիմա էլ… հա, ասում էի, որ ունեցել եմ գիշերային վախ: Պառկում էի քնելու ու պատերի կամ պատուհանի վրա տեսնում երևակայական շողքեր: Ինձ թվում էր, թե այդ մարդը ամեն երեկո գալիս է մեզ այցելության, սպասում, որ բոլորը քնեն ու ինքն անցնի իր սև գործին: Ինչեր ասես չեի պատկերացնում, մտածում, ժամերով չէի քնում, անգամ վախենում էի շարժվել: Գիտեմ, որ բոլոր երեխաների մոտ էլ դա լինում է: Բայց ես մինչև հիմա չեմ ազատվել այդ “գիշերային վախ” կոչվածից: Իհարկե պատկերացումներից հեռու եմ, բայց շատ հաճախ վախենում եմ, որ ինչ-որ մեկը իմ հետևից` մթության մեջ, ինձ կհասնի ու կվնասի J
Թե ուրիշ ինչ վախեր ունեմ, դեռ չեմ պարզել: Համենայն դեպս յուրաքանչյուրն էլ իր կյանքի ընթացքում կարողանում է հաղթահարել զանազան վախեր ու, ձեռք բերելով նորերը, պայքարում դրանց դեմ: Եթե ուզում եք ոչնչից չվախենալ, հիշեք, որ վախենալ կարելի է բացարձակապես ամեն ինչից: Դրանից ազատվել է պետք, քանի որ վախին ստրուկ լինելը ստրկության վատթարագույն տեսակն է, ու, երբ սարսափի դեմ մատնվում եք երկյուղի, սկսում եք զգալ երկյուղի սարսափը:
Փաստորեն ես կիսով չափ հաղթահարել եմ իմ վախը, իսկ դուք ?
Комментариев нет:
Отправить комментарий